A paura mia

Tengo nemice? Faccio ‘o paro e sparo…

‘E t tengo mente e dico: «Stongo ccà! »

E nun tremmo si sent’ ‘e di: «Te sparo! »

Chillo c’ ‘o ddice, ‘0 ddice, nun ‘0 ffà.

Si è p’ ‘o buciardo, nun me movo, aspetto.

(‘A buscia corre assaie, ma campa poco).

‘O vuò vedè? ‘0 canusce comm’ ‘o «sette»,

va pè parlà, se fa una lamp’ ‘e fuoco.

‘A calunnia? E chella «è un venticello»,

dico vicin’ a ‘o viento: «Nun sciuscià? »

Quann’ha fatt’ ‘a sfucata vene ‘o bello,

allor’ accuminciamm’ a raggiunà.

E manco ‘a morte, si me tene mente,

me fa paura. ‘ A morte è generale.

Ll’uommene sò rumanze differente,

ma tènen’ una chiusa, unu finale.

M’arròbbano? Arreduco mmiez’ ‘a via?..

J’ fatico e addevento chillu stesso,

ma, quanto voglio bene a mamma mia,

a mme me fa paura sul”o fesso!

(Eduardo De Filippo)

Annunci

Maurizio Pollini, piano

Orchestra Filarmonica della Scala – direttore Riccardo Muti

Maurizio Pollini, piano.

Wiener Philharmoniker-direttore Karl Böhm.

Maurizio Pollini, piano

Wiener Philharmoniker – direttore Karl Böhm

IL GRANDE EDUARDO AUGURA BUON ANNO.

E tengo na fenesta a pianterreno,

c’affaccia int’ a na strafa scanusciuta;

cu n’aria profumata, e na veduta,

ca si t’affacce, nun t’ ‘a scuorde cchiù.

Si stongo ‘e buonumore, affacci’ a mmare,

e veco semp’ ‘o stesso bastimento

ca parte chin’ ‘e fede e sentimento,

e c’ ‘a bandiera d”a sincerità.

Parte ciuro, e nun arriva maje.

Quanno s’abbìa, sabbìa c’ ‘o maistrale;

ma ncòccia sempre ‘o stesso tempurale,

‘o stesso maletiempo, e adda turnà!

Quanno senza speranza, e senz’ammore

m’affaccio e vec’ ‘o stesso bastimento,

nce mengo dinto ‘o core mio scuntento,

e c’ ‘o mare ntempesta dico: “Va”.

Quann’è bontiempo, ognuno è marenaro

e se vulesse mettere a temmone…

C’ ‘o mare ncalma, tutte songo buone

‘e purtà nu vapore a passià.

Miéttece a buord”o bene ch’ ‘e vuluto,

e tutt’ ‘o chianto amaro ch’è custato…

Nisciunu bastimento s’è affunnato

quanno ce’ ‘e miso a buordo ‘a Verità.

(Eduardo De Filippo)

%d blogger hanno fatto clic su Mi Piace per questo: